🗊Презентация Қазақстан Республикасының Парламенті

1. Қазақстан Республикасының Парламенті қандай орган? ҚР Парламенті – Қазақстан Республикасындағы заң шығару қызметін жүзеге асыратын ең жоғары өкілетті орган 2. Парламент неше палатадан тұрады? Оларды ата. Ол екі палатадан: Сенат пен Мәжілістен тұрады. 3. Сенат қандай палата? Сенат депутаттарының өкілеттілік мерзімі неше жыл? Сенат – ҚР Парламентінің жоғарғы палатасы. Өкілеттік мерзімі – 6 жыл.

4. Мәжіліс қандай палата? Мәжіліс депутаттарының өкілеттілік мерзімі неше жыл? Мәжіліс – ҚР Парламентінің төменгі палатасы. Өкілеттік мерзімі – 5 жыл. 5. Сенаттың құрамы қандай? Сенат өкілеттігі мерзіміне Республика Президенті тағайындаған 15 депутаттан, және әр облыстан, республикалық маңызы бар қаладан және республика астанасынан екі адамнан сайланады. Барлығы 47 депутат (болашақта олардың саны орнынан кеткен президенттер қатарынан көбейеді).

6. Мәжілістің құрамы қандай? Мәжілістің құрамы партиялық тізім бойынша сайланатын – 98 және Қазақсатн халқы Ассамблеясынан сайланатын – 9 депутаттан, барлығы – 107 депутаттан тұрады 7. Депутаттық топ қандай бірлестік болып табылады? Депутаттық топ – депутаттардың өз өкілеттігін жүзеге асыру, сайлау округтерінде бірлесіп жұмыс істеу үшін құрылатын бірлестігі

8. Фракция деген не? Ол қандай мақсатта құрылады? Фракция – депутаттардың ұйымдасқан тобы. Фракция Парламентте саяси партияның немесе өзге қоғамдық бірлестіктің мүддесін білдіру мақсатында құрылады 9. Палаталардың бірлескен отырысында Парламент қандай мемлекеттік мәселелерді қарайды? ҚР Президентінің ұсынысы бойынша Конституцияға өзгерістер енгізеді, Республикалық бюджетті бекітеді, Президентке бір жылдан аспайтын мерзімге заң шығару өкілеттілігін беруге құқылы, соғыс және бітім мәселелерін шешеді, мемлекеттік салықтар мен алымдарды белгілейді және алып тастайды, рақымшылық жасау мәселелерін шешеді, халықаралық шарттарды ратификациялайды, т.б.

10. Қазақстан Республикасының Парламенті депутатының өкілеттігі қандай? Депутат парламент сессиясында барлық мәселелер бойынша шешуші дауыс құқығын пайдаланады, депутаттық сұрау салуға, қабылданатын заңдардың, қаулылардың жобаларына түзетулер енгізуге құқылы, т.б. 11. Депутаттар сайлаушылармен қандай жұмыстар атқарады? Парламенттік демалыс кезінде депутаттар өздерінің сайлау округтеріне барып, сайлаушылармен кездесіп, олардан түскен шағымдарды қарауы керек

12. Парламенттің жұмыс тәртібі қандай? Парламент өзінің жұмысын сессия тәртібімен жүргізеді. Сессия палаталардың біріккен және оңаша Палаталарынан, Палаталардың тұрақты комитеттері мен бірлескен комиссияларынан тұрады. Парламент сессиясын Республика Президенті ашады. 13. Мәжілістің ерекше қарауына қандай мәселелер жатады? Конституциялық заңдар мен заңдардың жобаларын қарауға қабылдау, Республика Президентіне Республика Премьер-министрін тағайындауға келісім беруі, Республика Президентінің кезекті сайлауын хабарлау, т.б.

14. Сенаттың ерекше қарауына қандай мәселелер жатады? ҚР Президентінің ұсынуымен Республиканың Жоғарғы Сотының Төрағасын, судьяларын сайлау мен қызметтен босату, олардың анттарын қабылдау, Республика Президентінің Республика Ұлттық Банкінің Төрағасын, Бас прокурорын және Ұлттық қауіпсіздік комитетінің Төрағасын тағайындауына келісім беру, т.б. 15. Заң жобаларының қабылдану үрдісі қалай жүреді? Заң шығару ынтасы құқығы Республика Президентіне, Парламент депутаттарына, Үкіметке тиесілі және тек Мәжілісте жүзеге асырылады. Мәжіліс депутаттары мақұлдаған заң жобасы Сенатқа беріледі, онда 60 күннен асырылмай заң қаралады. Сенаттың үштен екісі мақұлдаған жоба заңға айналады, он күн ішінде қол қою үшін Президентке ұсынылады. Президент бір ай ішінде заңға қол қояды.

Үкіметтің заң шығаруға қатысуы Үкімет өз құзыретіне кіретін барлық мәселелер бойынша заң жобаларын жасап, оларды Мәжілістің қарауына енгізуге құқықты.

Үкімет өзінің қызметі бойынша Республика Президентінің алдында жауапты.

Жергілікті билік органдары

Білгенге маржан ҚР Үкіметі қандай орган? ҚР Үкіметінің атқаратын қызметін атаңдар ҚР Үкіметін кім басқарады? Премьер-министрдің өкілеттіктері қандай? Үкімет заң шығаруға қатысады ма? Мәслихат қандай қызмет атқарады? Әкімшілікке қандай өкілеттіктер берілген?

Үйге тапсырма: §42, тақырып соңындағы сұрақтарға жауап дайындау. Қосымша сұрақтар: 1. Үкіметтің өкілеттік мерзімін нақты белгілеу керек деп ойлайсың ба? 2. «егер мен Премьер-министр болсам ...» атты шығарма жазу.