🗊Презентация Минералдық шикізаттарды термиялық өңдеу арқылы алынатын материалдар. Керамикалық материалдар

Минералдық шикізаттарды термиялық өңдеу арқылы алынатын материалдар Керамикалық материалдар

Лекция жоспары: 1. Жалпы мәлімет. Керамикалық материалдардың түрлері, тағайындалуы, құрылымы бойынша топтастырылуы 2. Керамикалық материалдар өндірісінде қолданылатын шикізаттар 3. Керамикалық бұйымдарды дайындау технологиясы 4. Керамикалық материалдардың қасиеттері

Керамикалық бұйымдар деп сазды шикізатты терең технологиялық өңдеуден өткізіп және қалыптап, одан кейін жоғары температурада күйдіру арқылы алынған жасанды тас материалды атайды.

Керамикалық бұйымдар тағайындалуы бойынша келесі топтарға бөлінеді: Керамикалық бұйымдар тағайындалуы бойынша келесі топтарға бөлінеді: - қабырғалық; - өңдеулік (ішкі және қасбеттік); - шатырлық; - едендік; - сантехникалық; - қышқылға төзімді; - құбырлар; - бетон толтырғыштары.

Құрылыста қолданылатын керамикалық бұйымдар өздерінің тығыздығына қарай екі топқа бөлінеді: Құрылыста қолданылатын керамикалық бұйымдар өздерінің тығыздығына қарай екі топқа бөлінеді: кеуекті және тығыз. Кеуектілерге су өткізгіштігі 5%-дан жоғары бұйымдар жатқызылады. Мысалы, әр түрлі кірпіштер, жалтыратылмаған керамикалық қаптағыш тақташалар, ағынды судағы дренажды құбырлар, жабынқыш (черепица), керамзит және басқа кеуекті керамикалық бұйымдар жатады. Тығыз керамикалық материалдарға су өткізгіштігі 5%-дан кем бұйымдар жатады. Мысалы, оған жалтыратылған кірпіш және құрылысында қолданылатын клинкерлік кірпіштер, санитарлық-тазалық тораптарға және еденге қолданылатын қаптағыш тақташаларды жатқызуға болады.

Қолданылатын шикізат Қолданылатын шикізат Керамикалық бұйымдарды дайындау үшін шикізат ретінде иілімді материалдар (саздар, каолиндер) және иілімді емес материалдар (жанатын қоспалар, майсыздандырғыштар, балқытпалар) қолданылады. Кейбір керамикалық материалдар өндірісінде диатомит, трепел, сонымен қатар қождар, күлдер, тақта тастар (сланецтар) қосымша шикізат ретінде қолданылады. Саз негізінен әртүрлі минералдардан тұрады. Олардың ішіндегі көп таралғаны: - каолиниттер (каолинит Аl2O3.2SiO2.2Н2O және галлуазит Аl2O3.2SiO2.4Н2O); - монтмориллониттер (монтмориллонит Аl2O3.4SiO2.nН2O, бейделлит Аl2O3.3SiO2.2Н2O); - гидрослюдалар.

Табиғи жағдайда саз көп тараған және керамика өндірісінде қолданылатын жалғыз ғана шикізат болып саналады. Табиғи жағдайда саз көп тараған және керамика өндірісінде қолданылатын жалғыз ғана шикізат болып саналады. Сазды сумен араластырғанда, ол әртүрлі пішіндерді жеңіл қабылдайды. Саздың керамикалық бұйымдарды дайындауға жарамдылығы төмендегі көрсеткіштермен анықталады: - минералдық және химиялық құрамымен; - ұнтақтылығымен (дисперсиялығымен); - илемділігімен; - отқа шыдамдылығымен.

Саздың химиялық құрамы негізінен кремний, алюминий, темір тотықтарынан құрастырылған (%): Саздың химиялық құрамы негізінен кремний, алюминий, темір тотықтарынан құрастырылған (%): SiO2 – 40-80; Аl2О3 – 8-50; Ғе2O3 – 0-15; МgO – 0-4; СаО – 0,5-25; Na2O және К2O – 5-6%-ға дейін болады.

Саздағы химиялық және минералдық құрамына байланысты керамиканың физикалық-механикалық құрылыстық қасиеттері және түсі өзгереді. Саздағы химиялық және минералдық құрамына байланысты керамиканың физикалық-механикалық құрылыстық қасиеттері және түсі өзгереді. Мысалы: Саз құрамында кремнеземнің (SiO2) көбеюіне қарай оның иілгіштік қасиеті (илемділігі) азаяды. Саздағы глинозем (Аl2O3) керамика оның отқа шыдамдылығын арттырады. Темір тотығының (Ғе2O3) саздағы өсуі, шикізаттың балқу температурасы мен отқа төзімділігін бәсеңдетеді. Ғе2O3 мөлшері көбейсе, керамиканың түсі ашық қоңырдан - күңгірт қызылға дейін өзгереді. Керамика құрамына карбонаттар күйінде енетін магний мен кальцийдің тотықтары бұйымдардың кеуектілігін арттырады. Nа2O және К2O күйдіру температурасын төмендетеді және көп мөлшерде балқыманың пайда болуына орай керамикалық бұйымдардың тығыздығы артады.

Саздың маңызды технологиялық қасиеттерінің бірі - иілімділік. Осы көрсеткіш саз құрамына, олардың дисперсиялығына байланысты. Саздың маңызды технологиялық қасиеттерінің бірі - иілімділік. Осы көрсеткіш саз құрамына, олардың дисперсиялығына байланысты. Құм, шамот, қож, тас көмір, күл, саз иілімділігін азайтады. Керамикалық бұйымдардың күйдіру температурасын азайтатын қоспаларға (флюстерге) дала шпатын, шыны, кварц және басқаларды жатқызуға болады. Бұйымның кеуектілігін арттыру үшін сазға мергель, доломит, кальций, ағаш ұнтағын, тас көмір, кокс және басқаларды қосады.

Балқу температурасы бойынша саз келесі түрлерге бөлінеді: Балқу температурасы бойынша саз келесі түрлерге бөлінеді: - жеңіл балқитын (балқу температурасы 1350°С-тан төмен); - баяу балқитын (1350-1580°С); - отқа шыдамды (1580-2000°С); - аса отқа шыдамды (2000°С-тан жоғары).

Егер саз бөлшегінің диаметрі 0,005 мм-ден аз болса, онда саз жоғарғы илемділік қасиетке ие. Егер саз бөлшегінің диаметрі 0,005 мм-ден аз болса, онда саз жоғарғы илемділік қасиетке ие. Саз бөлшектерінің құрамы мен өлшемдеріне қарай оларды: - иленбейтін (илемділік саны 0); - аз илемді (7-ге дейін); - орташа илемді (7-15); - илемді (15-25); - илемдігі жоғары (25-тен жоғары) деп бөлінеді.. Жоғарғы илемді саздың құрамында 80-90% сазды минералдар бар; илемділігі орташа сазда – 30-60%, а аз илемді саздарда – 5-30% ғана. Илемді емес саздар қалыптау мен өңдеуге берілмейді. Илемді саз едәуір шөгуге бейімді, сондықтан осындай саздан алынатын массаға майсыздандыратын қоспаларды қосады. Илемді емес шикізатты илемділігі жоғары саздармен араластырып түзетеді, мысалы, бентонитті саздар қосылады.

Керамикалық бұйымдарды дайындау технологиясы Керамикалық бұйымдарды дайындау технологиясы Керамикалық бұйымдарды өндірудің негізгі кезеңдері : - сазды өңдеу (ұнтақтау); - массаны дайындау; - шикізатты қалыптау; - бұйымдарды кептіру және күйдіру.

Керамикалық материалдар мен бұйымдарды қалыптаудын үш тәсілі кең тараған: Керамикалық материалдар мен бұйымдарды қалыптаудын үш тәсілі кең тараған: 1) Иілімділік әдіспен дайындалған материалдар (қоспа ылғалдығы 18%-дан 28%-ға дейін) (кірпіштер, қабырғалық тастар, черепица, канализациялық құбырлар). 2) Жартылай құрғақ тәсілмен дайындалған материалдар (кірпіштер, қабырғалық тастар, едендік және қабырғалық тақташалар) (қоспа ылдалдығы 8%-дан 12%-ға дейін); 3) Сұйық массадан (шликерлі) құйылған материалдар (санитарлы техникалық және күрделі пішінді сәнді көркемдік бұйымдар) (қоспа ылдалдығы 28%-дан 40%-ға дейін).

Бұйымдарды кептіру үшін зауыттарда туннельді және камералы кептіргіштер қолданылады (құрғату температурасы 120-150оС). Бұйымдарды кептіру үшін зауыттарда туннельді және камералы кептіргіштер қолданылады (құрғату температурасы 120-150оС). Әдетте керамикалық бұйымның ылғалдылығы күйдірердің алдында 6-8%-дан аспауы керек. Бұйымдарды күйдіру үш кезеңнен тұрады: материалмен химиялық қосылыс түземеген бос ылғалдың біртіндеп жойылуы; күйдірудің өзі (900-1300°С) және бірте-бірте салқындату. Керамикалық бұйымдарды күйдіру үшін туннельді пеш қолданылады. Отын ретінде газ, көмір және мұнай қолданады.

Керамикалық кірпішті иілімді тәсілмен өндіру технологиялық схемасы: Керамикалық кірпішті иілімді тәсілмен өндіру технологиялық схемасы: 1 – саздың карьері; 2- экскаватор; 3 – саз сақтағыш; 4- вагонша; 5- жәшікті тасымалдағыш; 6- қоспалар; 7- жүгірмелер; 8 – біліктер; 9 – таспалы пресс; 10 - кескіш-автомат; 11 - орналастырғыш; 12 - арбалар; 13 - кептіру камералары; 14 – туннельді пеш; 15 - қойма

Керамикалық материалдан жасалған бұйымдар түрлері Керамикалық материалдан жасалған бұйымдар түрлері Қарапайым керамикалық кірпіштермен қатар тиімді қабырғалық материалдар тобына әр түрлі тиімді керамикалық материалдар (қуысты кірпіш, кеуекті-қуысты, жеңіл, қуыс денелі тастар) жатады. Сонымен қатар ірі өлшемді қабырғалық кірпіш блоктары мен панелдері жатады. Қарапайым керамикалық кірпіштің өлшемдері 250x150x65 немесе 250x120x88 мм, параллепипед пішінді болуы керек; Керамикалық тастардың өлшемдері 250x120x138 мм. Іс жүзінде дәл өлшемді кірпіш алу мүмкін емес, сондықтан мемлекеттік стандарт талабына сай кірпіш өлшемінде орын алатын ауытқу шектеріне рұқсат етіледі.

Қабырғаға арналған керамикалық кірпіштер пен тастардың тығыздығы мен жылу техникалық қасиеттеріне қарай (орташа тығыздығы бойынша) үш топқа (кесте 1) бөлінеді. Қабырғаға арналған керамикалық кірпіштер пен тастардың тығыздығы мен жылу техникалық қасиеттеріне қарай (орташа тығыздығы бойынша) үш топқа (кесте 1) бөлінеді.

Кірпіштің орташа тығыздығы 1600...1900 кг/м3, ал жылу өткізгіштігі 0,70...0,82 Вт/(м°С). Кірпіштің орташа тығыздығы 1600...1900 кг/м3, ал жылу өткізгіштігі 0,70...0,82 Вт/(м°С). Көп саңылаулы кірпіштердің тығыздығы 1,2-1,3 г/см3 аспайды. Иілімді әдіспен қалыпталған кірпіштің орташа тығыздығы 1,7-1,9 г/см3 аспайды. Керамикалық кірпіштің келесі маркалары бар: 100, 125, 150, 175, 200, 250 және 300. Аязға төзімділігі бойынша кірпіш төрт маркаға бөлінеді: Ғ15, 25, 35 және 50. Кірпіштің су сіңірімділік көрсеткіштері 8-ден 30% дейінгі шекте өзгереді. Жоғары сапалы, жақсы күйдірілген кірпіштің түсі сарылау болады және темір затпен соққылау кезінде сыңғырлаған дауыс шығарады.

Бақылау сұрақтары Керамикалық бұйымдар дегеніміз не? Керамикалық материалдарды алу үшін қолданылатын шикізаттар түрлеріне талдау жаса? Керамикалық кірпішті дайындау технологияларының ерекшеліктері қандай? Иілімді әдістің құрғақ әдіспен қалыптаудан айырмашлығы неде? Қандай керамикалық қаптама материалдарын білесіз? Тиімді керамикалық бұйымдар түрлері. Керамикалық бұйымдарды дайындауға арналған жаңатипті қондырғылар. Өнеркәсіп қалдықтарын керамика өндірісінде қолдану туралы не білесіз?

Қолданылған әдебиет: Негізгі: 1. Үдербаев С.С. Құрылыс материалдары; қасиеттері және өндірілуі. Оқу құралы. Қызылорда, «Тұмар», 2007 ж. – 208 бет. 2. Садуақасов М., Батырбаев Ғ. Құрылыс материалдары. Оқу құралы. – Алматы: ҚазҰТУ, 2007. – 259 бет. 3. Сатеков Б.С. Табиғи және жасанды құрылыс материалдары мен бұйымдары. – Тараз, 2007. – 1-2 бөлім 4. Бисенов Қ.А., Нарманова Р.Ә., Үдербаев С.С. Құрылыс материалдары мен бұйымдары: Оқу құралы. – Алматы: «Издат Маркет», 2007. – 224 бет 5. Мороз И.И. Технология строительной керамики: Учеб. пособие,. Издательство: ЭКОЛИТ, 2011. - 384 стр.   Қосымша: 1. Кулибаев А.А. Құрылыстағы әрлеу материалдары: Оқу құралы. – Алматы: Триумф «Т», 2007. – 448 б. 2. Микульский В.Г. и др. Строительные материалы (материаловедение и технология). – М.: ИАСВ, 2004 3. Материаловедение в строительстве, под ред. И.А.Рыбьева – М.: Издательский центр «Академия», 2006 4. Кошляк Л.Л., Калиновский В.В. Производство изделий строительной керамики. – М.: Высшая школа, 1985 5. Белов В.В,. Петропавловская В.Г., Шлапаков Ю.А. Лабораторные определения свойств строительных материалов. - М.: ИАСВ, 2004