🗊Презентация Мейрамы наурыз

Наурыз- “жаңа күн” деген сөз. Бұл күні біздің ата – бабаларымыз мыңдаған жылдардан бері тойлап келе жатқан, жыл басы мерекесі. 1988 жылы ресми мейрамдауды бастаған.

Бүгінгі Наурыз мейрамында екі мерекенің мазмүны қосарланып жүреді: оның бірі – қазақша Жаңа жыл болса , екіншісі күн мен түннің теңесімі. Бұрынғы 14 наурызда “Амал” атауымен тойланып келген жаңа жыл мерекесі Наурызбен біріктірілді. Бір қызығы, қазақ наурызы 21-22 наурызда емес , 14 наурызда аталып келген және ол бейресми түрде елдің кейбір аймақтарын қамтыған.

Көрісу (Амал мерекесі деп те аталады) — Қазақстанның батыс өңірі мен Ресейдің шекаралас аймақтарындағы қазақтардың арасында сақталған ежелгі дәстүр. Жаңа жылды Байбақты Қазыбек күнтізбесі бойынша қарсы алатын аймақ тұрғындары 14 наурызды «Көрісу (яғни қауышу) күні» деп те атайды. Бұл күні ауыл тұрғындары ерте тұрып, елең-алаңнан жасы үлкен адамдарға сәлем береді. Көрші-көлем бір-біріне «Жасың құтты болсын!», «Жасыңа жас қосылып, ғүмырың ұзақ болғай!» деп тілек айтады. Көрісу күні бұрынғы өкпе-реніш кешіріліп, араздық ұмытылады, көрші-көлем бір-бірін шеке асына шақырып, меймандардың отбасына, ағайын-туыстарына амандық-саулық, құт-береке тілейді.