🗊Презентация Страстная седьмица особенности богослужения

СТРАСТНАЯ СЕДЬМИЦА ОСОБЕННОСТИ БОГОСЛУЖЕНИЯ

Служба во Святой и Вели́кий Понедельник

Служба во Святой и Вели́кий Понедельник Тропа́рь, глас 8-й: «Се Жени́х гряде́т в полу́нощи, и блаже́н раб, его́же обря́щет бдя́ща; недосто́ин же па́ки, его́же обря́щет уныва́юща. Блюди́ у́бо, ду́ше моя́, не сном отяготи́ся, да не сме́рти предана́ бу́деши и Ца́рствия вне затвори́шися, но воспряни́ зову́щи: Свят, Свят, Свят еси́, Бо́же, Богоро́дицею поми́луй нас».   Ексапостиларий: «Черто́г Твой ви́жду, Спа́се мой, украше́нный и оде́жды не и́мам, да вни́ду в онь. Просвети́ одея́ние ду́ши моея́, Светода́вче, и спаси́ мя»      Кондак, глас 2-й: на повечерии «Час, ду́ше, конца́ помы́сливши и посече́ния смоко́вницы убоя́вшися, да́нный тебе́ тала́нт трудолю́бно де́лай, окая́нная, бо́дрствующи и зову́щи: да не пребу́дем вне черто́га Христо́ва».  

Служба во Святой и Вели́кий Вторник

Служба во Святую и Вели́кую Среду

Служба во Святую и Вели́кую Среду Стихира Творе́ние Кассиа́ны и́нокини: Го́споди, и́же во мно́гия грехи́ впа́дшая жена́, Твое́ ощути́вшая Бо́жество́, мироно́сицы взе́мши чин, рыда́ющи ми́ро Тебе́ пре́жде погребе́ния прино́сит, увы мне! глаго́лющи, я́ко нощь мне есть разжже́ние блуда невозде́ржанна, мра́чное же и безлу́нное раче́ние греха́. Приими́ моя́ исто́чники слез, И́же облака́ми производи́й мо́ря во́ду, приклони́ся к мои́м воздыха́нием серде́чным, приклони́вый Небеса́, неизрече́нным Твои́м истоща́нием: да облобыжу́ пречи́стеи Твои́ но́зе, и отру́ сия́ па́ки главы́ мое́й власы́, и́хже в рай Ева, по полу́дни, шу́мом у́ши огласи́вши, стра́хом скры́ся. Грехо́в мои́х мно́жества, и суде́б Твои́х бе́здны кто́ изсле́дит? Душеспа́сче Спа́се мой, да мя, Твою́ рабу́, не пре́зриши, И́же безме́рную име́яй ми́лость.

Служба во Святой и Вели́кий Четверг

Служба во Святой и Вели́кий Четверг

Служба во Святой и Вели́кий Четверг

Служба во Святую и Вели́кую Пятницу  Утреня. Последование святых и спасительных Страстей Господа нашего Иисуса Христа.

Утреня. Последование святых и спасительных Страстей Господа нашего Иисуса Христа.

Утреня. Последование святых и спасительных Страстей Господа нашего Иисуса Христа.

Утреня. Последование святых и спасительных Страстей Господа нашего Иисуса Христа. Антифо́н 12, глас 8: Сия́ глаго́лет Госпо́дь иуде́ом: лю́дие Мой, что́ сотвори́х вам? Или́ чим вам стужи́х? Слепцы́ ва́ша просвети́х, прокаже́нныя очи́стих, му́жа су́ща на одре́ возста́ви́х. Лю́дие Мои́, что́ сотвори́х вам? И что́ Ми возда́сте? За ма́нну, желчь: за во́ду, о́цет: за е́же люби́ти Мя, ко Кресту́ Мя пригвозди́сте. Ктому́ не терплю́ про́чее, призову́ Моя́ язы́ки, и ти́и Мя просла́вят со Отце́м и Ду́хом, и Аз им да́рую Живо́т Ве́чный.

Утреня. Последование святых и спасительных Страстей Господа нашего Иисуса Христа.

Последование вечерни во Святы́й и Вели́кий пято́к

Последование вечерни во Святы́й и Вели́кий пято́к

Служба во Святую и Вели́кую Субботу И начина́ем пети непоро́чны со сладкопе́нием, Та́кожде по стиху, и похвалы́ возглаша́ет певец, во глас 5: Из истле́ния возше́л еси́ Животе́, Спа́се мой, Тебе́ уме́ршу, и к ме́ртвым прише́дшу, и сломи́вшу адовы вереи́.   Я́коже све́та Свети́льник, ны́не плоть Бо́жия, под зе́млю я́ко под спуд крыется, и отгоняет су́щую во аде тьму.   Умерщвле́н во́лею, и положе́н под земле́ю, Жизното́чне Иису́се мой, оживи́л еси́ умерщвле́на мя преступле́нием го́рьким.   Я́коже пшени́чное зе́рно, заше́д в не́дра земна́я, многопе́рстный возда́л еси́ клас, возста́вив челове́ки, я́же от Ада́ма.   Увы мне, Све́те ми́ра, увы мне, Све́те Мой, Иису́се Мой возжеле́нный, вопия́ше Де́ва, рыда́ющи го́рько взыва́ше.   Плач свяще́нный прииди́те воспои́м Христу́ уме́ршему, я́ко дре́вле жены́ мироно́сицы, да и ра́дуйся услы́шим с ни́ми……………….

Служба во Святую и Вели́кую Субботу  После́дование у́трени По 50-м псалме сразу канон Вели́кой субботы, глас 6-й: «Волно́ю морско́ю...»   Тропари канона: Ад, Сло́ве, срет Тя огорчи́ся, Челове́ка зря обоже́на, уя́звлена ра́нами, и Всеси́льноде́теля, Стра́шным же зра́ком поги́бе.   Человекоуби́йственно, но не богоуби́йственно бысть прегреше́ние Ада́мово: а́ще бо и пострада́ Твоея́ пло́ти пе́рстное существо́, но Бо́жество́ безстра́стно пребы́сть: тле́нное же Твое́ на нетле́ние преложи́л еси́, и нетле́нныя жи́зни показа́л еси́ Исто́чник воскресе́нием.   Ца́рствует ад, но не ве́чнует, над ро́дом челове́ческим: Ты бо поло́жся во гро́бе держа́вне. Живонача́льною дла́нию, сме́рти ключи́ разве́ргл еси́, и пропове́дал еси́ от ве́ка та́мо спя́щым избавле́ние нело́жное, быв Спа́се ме́ртвым Пе́рвенец.   пое́м на хвали́тех стихи́ры самогла́сны 4, глас 2: Дне́шний день та́йно вели́кий Моисе́й прообразова́ше, глаго́ля: и благослови́ Бог день седмы́й: сия́ бо есть благослове́нная суббо́та, сей есть упокое́ния день, в о́ньже почи́ от всех дел Свои́х Единоро́дный Сын Бо́жий, смотре́нием еже на смерть, пло́тию суббо́тствовав: и во е́же бе, па́ки возвра́щся воскресе́нием, дарова́ нам живо́т ве́чный, я́ко Еди́н Благ и Человеколю́бец.

Служба во Святую и Вели́кую Субботу  После́дование у́трени

Служба во Святую и Вели́кую Субботу  После́дование у́трени Проро́чества Иезеки́илева чте́ние. Бысть на мне́ рука Госпо́дня, и изведе́ мя в ду́се Госпо́дни, и поста́ви мя среде́ по́ля, се же бя́ше по́лно косте́й челове́ческих. …………..И рече́ ко мне: Сы́не челове́чь, оживу́т ли ко́сти сия́?..............   Проки́мен, глас седмый: Воскресни́, Го́споди, Бо́же мой, да вознесе́тся рука Твоя́, не забу́ди убо́гих Твои́х до конца́.   К Кори́нфяном послания Свята́го апо́стола Павла чте́ние. Бра́тие, мал квас все смеше́ние ква́сит. Очи́стите у́бо ве́тхий квас, да бу́дете но́во смеше́ние, я́коже есте́ безква́сни: и́бо Па́сха на́ша за ны пожре́н бысть Христо́с. Те́мже да пра́зднуем не в ква́се ве́тсе, ни в ква́се зло́бы и лука́вства, но в безква́сиих чистоты́ и и́стины. Христо́с ны искупи́л есть от кля́твы зако́нныя, быв по нас кля́тва. Пи́сано бо есть: про́кля́т всяк ви́сяй на дре́ве. Да в язы́цех благослове́ние Авраа́мле бу́дет о Христе́ Иису́се, да обетова́ние Ду́ха прии́мем ве́рою.   И а́бие пою́т во глас 5 Аллилу́иа. Стих: Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́. Стих: Я́ко исчеза́ет дым, да исче́знут, я́ко та́ет воск от лица́ огня́. Стих: Та́ко да поги́бнут гре́шницы от лица́ Бо́жия, а пра́ведницы да возвеселя́тся.   От Матфе́а Свята́го Ева́нгелиа чте́ние. Во у́трий день, и́же есть по пятце́, собра́шася архиере́е и фарисе́е к Пила́ту, глаго́люще: Го́споди, помяну́хом, я́ко льстец он рече́ еще́ сый жив: по трие́х днех воста́ну. Повели́ у́бо утверди́ти гроб до тре́тияго дне: да не ка́ко прише́дше ученицы́ Его́ но́щию, украду́т Его́ и реку́т людем: воста от ме́ртвых. И бу́дет после́дняя лесть го́рша пе́рвыя. Рече́ же им Пила́т: и́мате кустоди́ю, иди́те утверди́те, я́коже ве́сте. Они́ же ше́дше утверди́ша гроб, знамена́вше ка́мень с кустоди́ею.

После́дование вече́рни и литургии во Святу́ю и Вели́кую суббо́ту Стихи́ры Го́споди воззва́х: Днесь ад стеня́ вопие́т: разруши́ся моя́ власть, прия́х Ме́ртваго я́ко Еди́наго от уме́рших: сего́ бо держа́ти отню́д не могу́, но погубля́ю с Ним, и́миже ц́рствовах: аз име́х мертвецы́ от ве́ка, но Сей (Се) всех воздвиза́ет. Сла́ва, Го́споди, Кресту́ Твоему́ и Воскресе́нию Твоему́.

После́дование вече́рни и литургии во Святу́ю и Вели́кую суббо́ту